Цæгат Кавказы федералон зылды физикæйы ахуыргæнджыты фыццаг съезд уыд Дзæуджыхъæуы. Байгом æй кодтой пленарон æмбырдæй. Сæйраг темæ – бæлвырд наукæтæ амоныны хæрзхъæддзинад фæбæрзонддæр кæнын.
Уæлдæр ахуыргæнæндæтты ацы предметтæй ахуырадон программæты райрæзтыл бакусын. Республикæмæ ссыдысты физикæйы 50 ахуыргæнæджы. Уыдон дих кодтой сæ фæлтæрдзинадæй. Ныхас кодтой физикæйы, математикæ æмæ информатикæйы райрæзтыл Уæрæсейы. Спикертæ – Мæскуыйы Физикон-техникон институты, Курчатовы номыл институты минæвæрттæ. Уæрæсейаг æхсæнад «Знание»-йы раззагдæр лектортæ. Регионы хицауады сæрдар Дзанайты Барис куыд фæнысан кодта, афтæмæй абон ахсджиаг у классикон скъолайы хæзнатæ бахъахъхъæнын нырыккон рæстæджы домæнтæ хынцгæйæ.
