Цæгат Кавказы хæххон-металлургон институты 230 студенты сыздæхтысты Норислькæй пратикæйæ. Фондз мæйы дæргъы сæ зонындзинæдтæ фидар кодтой практикæйы хуызы цалцæггæнæн-арæзтадон къабазы егъау бирæвæрсыг куыстуат «НОРИЛЬСК-НИКЕЛЬ-РЕМОНТ»-ы.
Студенттæ æххæст кодтой арæзтадон куыстытæ æрхуыйы заводы, Норисльскы фабрикæйы, стæй згъæркъахæнты. Ахуырты фæстæ райстой бетонщикы æмæ изолировщикы æвдисæндартæ. Алы студент дæр иста мызд, мæй 70 мин сомы. Бирæтæ дзы ныридæгæн бафыстой гæххæтытӕ, дарддæр дæр уым кæй кусдзысты, уый фæдыл.
Практикæ ахӕм дæргъвæтин æмæ егъау фыццаг хатт уыд фæстаг 50 азмæ. Уый бантыст куыстуатимæ бадзырд бафыссыны руаджы. Иннæ аз Норильскмæ фæнд кæнынц институты 500 студенты арвитын. Норильскы куыстуаты хицауад та арвитдзæн 100 студенты, цæмæй сæ фæлтæрддзинад фæфылдæр кæной.
