Цæгат Кавказы хæххон-металлургон институты сараздзысты студентон къордтæ

20.06.2024 19:53

Бадзырд бафыстой хицауады сæрдар Дзанайты Барис æмæ ахуыргæнæндоны ректор Хъамболты Дзамболат.

Цæгат Кавказы хæххон-металлургон институты сараздзысты студентон къордтæ. Бадзырд бафыстой хицауады сæрдар Дзанайты Барис æмæ ахуыргæнæндоны ректор Хъамболты Дзамболат. 40 адæймаджы практикæ ацæудзысты артаг æмæ энергетикæйы къабазы куыстуæтты. Премьерæн ма ахуыргæнæндоны сарæзтой экскурси. Райдыдтой музейæ. Æмбырдгонд дзы ис институты сгуыхтдзинæдты тыххæй æрмæг йæ равзæрдæй нырмæ – уникалон экспонаттæ æмæ хуызистытæ. Дзанайты Барис ма федта лабораторийы куыст дæр. Иртасынц дзы бетон, фæнд ма кæнынц сæхи, æмбал кæмæн нæй, ахæм буаргъæд саразын дæр. Премьерæн ма уыд студенттимæ фембæлд, æргомæй æрныхас кодта фæсивæдимæ. Лæппутæ æмæ чызджытæн цымыдисаг уыд хæххон металлургийы къабазы райрæзты гæнæнтæ æмæ куысты бынæтты тыххæй базонын. Радзырдтой, куыд уынынц къабазы рацарæзт, уый дæр. Дзанайты Барис фæнысан кодта, Цæгат Кавказы хæххон металлургон институт кæддæриддæр кадджын кæй уыд дæсны специалисттæй, ахуыргæнæндоны рауагъдонтæ сты егъау æмæ раззагдæр куыстуæтты специалисттæ.

Предыдущий материал

Цæгат Ирыстоны цæрджытæй сæ æфтиæгтæ фæцæрынæн æппынкъаддæрæй чысылдæр кæмæн сты, уыдоны нымæц æрхауд 11,6%

Следующий материал

Цæгат Ирыстоны хицауад æркаст республикæйы бюджеты проектмæ 2025-æм æмæ 2026-2027-æм азтæн

Читайте также

Все новости