Цæгат Кавказы хъуыддæгты фæдыл министрад йæ куыст нал кæндзæн. Ахæм уынаффæ рахаста Уæрæсейы Президент Владимир Путин. Цы сæрмагонд бардзырд бафыста, уым нысангонд ис министрады хæстæ экономикон райрæзты министрад кæй æххæст кæндзæн. Уымæй уæлдай ма йæм ныр хауынц тæрхондон цы хæстæ снысан кодта раздæры министрадæн, уыдон дæр. Бæстæйы Хицауад разамынд дæтдзæн Уæрæсейы реестры куыстæн æмæ Федералон медикон-биологон агентадæн. Уый фæдыл дæр æмбæлгæ бардзырд бафыста Владимир Путин. Уымæ гæсгæ, Паддзахадон регистрацийы Федералон службæйы разамынд, картографи æмæ кадастры, æнæниздзинад хъахъхъæнынады, медикон-биологон агентады куыст æххæст кæндзæн Уæрæсейы Федерацийы хицауад. Уымæй уæлдай ма, «паддзахадон исбоны хъуыддæгтæ æххæст кæндзæн Уæрæсейы Финансты министрад».
