Цæгатирыстойнаг фæндырдзæгъдджытæ сæ курдиатæй адæмы зæрдæтæ балхæдтой Архангельскы. Уым уыд национ фæндырдзæгъджыты Сметанины номыл æппæтуæрæсеон конкурс.
Плиты Ацæмæз, Тауытты Виталий æмæ Икъаты Давиды трио «Осетия» бацахста фыццаг бынат. Республикон культурæйы колледжы минæвæрттæ рамбылдтой «Ансамбли»-йы номинацийы. Конкурсы программæй æвзонг музыканттæ адæмон инструментты оркестримæ ацагътой Сергей Сметанины уацмыстæ.
Конкурсы бацархайдтой Хъырымы, Белоруссийы, Мордовийы, Саратовы облæсты, Тулæйæ, Санкт-Петербург æмæ Мæскуыйы минæвæрттæ.
