Черменыхъæуккаг сылгоймаджы кæй амардтой, уыцы хъусынгæнинаг нæ республикæйы цæрджыты зæрдæтæ сæнкъусын кодта. сылгоймаджы амардтой ацы аз апрелы. Уртаты Стеллæ таксийы службæйы шофырæй куыста. Куыд алы бон дæр, афтæ уыцы фыдбоны æхсæв райста заказ. Фæлæ ацы хатт дар д фæндагмæ. Бæлццоны бахъуыд Дзæуджыхъæуæй Грознамæ ласын. Уыцы сау æхсæв чидæр йæ хæдзар ссардта. Кæйдæр сывæллæтты та сидзæрæй ныууагъта. Сæ цæссыг калгæ алы бон мысынц сæ мады. Фæлæ …хъысмæт æгъатыр у. Абон Уртаты Стæллæйы сывæллæттæй æмæ йæ хæстæджытæй хатыр ракурынмæ Цæгат Ирыстонмæ ссыдысты Цæцæны республикæйы минæвæрттæ.
Цæцæны республикæйы Ирыстойнаг сылгоймаджы кæй амардтой, уый дыууæ республикæйы кæрæдзимæ сызнæт кодта. Цæцæны республикæйæ Цæгат Ирыстонмæ схæццæ делегаци. Сæ балцы сйæйраг хъуыды-се`мбæстаджы фыдмийы фæдыл хатыр ракурын.
Уыртаты Стеллæ æртæ сывæллоны иунæгæй хъомыл кодта. Сывæллæтты сæ къæхтыл слæууын кæнын æнцон хъуыддаг нæу. Стеллæ зындзинадимæ тохы бацыд. Йæ ныфс бахаста нæлгоймаджы дæсныйадмæ, куыста такситы фирмæйы. Уæвгæ йын æндæр гæнæн куы уыдаид, уæд кæцы сылгоймаджы нæ фæнды йæ сывæллæттимæ хæдзары уæвын. Стеллæ дæр иу æдзух тагъд кодта йæ къонамæ, йæ сабитæм. Буц сæ дардта. Æдзух æй фæндыд йæ сывæллæттимæ æмæ бинонтимæ фылдæр рæстæг арвитын. Уыцы фыдбылызхæссæг бон йæ хиуæттæй иу усм дæр рох нæ кæны.
Сыхæгтæ куыд дзурынц, афтæмæй, бинонтæ æхца хъуаг æййæфтой. Æртæ сывæллоны мады бахъуыд кусын , æвзарынмæ йын рæстæг нæ уыд. Йæ фырхъалæй та ахæм уæззау куыстмæ ничи фæбæллы. Куыста диспетчерæй, сменæйы фæстæ та, мæ хæдзармæ фылдæр æхца æрбахæсоон, зыгъгæ иу йæхæдæг дæр шофыры куыст кодта. 21 апрелы æхсæвы таксийы фирмæмæ чидæр æрбадзырдта Дзæуджыхъæуæй Грознамæ бæлццон аласыны заказимæ. Йæ аргъ 2000 у. Заказ райста Уыртаты Стеллæ. Чи йæ зыдта ацу æмæ фæстæмæ ма раздæхы фæндаджы балцы кæй ацыд. Мæгуыр амæлæг, фæлæ уымæй мæгуырдæр та йæ фæстæ чи баззад уыдон. Ныртæккæ Стеллæйы сывæллæттæ цæрынц сæ мады хомæ. Сывæллæты схъомыл кæнын ныр уымæ кæсы. Фæкæсынæй æмæ йын баххуыс кæнынæй зæрдæ бавæрдтой Цæгат Ирыстоны пысылмæтты управленийы.
Дыууцæ республикæйы минæвæрттæ дæр æрцыдысты иу хъуыдымæ – ацы фыдракæнд дыууæ адæмыхатты кæрæдзимæ хъуамæ ма сызнæт кæна. Кæйдæр æнæрхъуыды мийæн хъуамæ иннæтæ ма фидой.
