Цæгат Ирыстоны паддзахадон университеты разамынд æмæ ахуыргæндтæ фембæлдысты Гамалейы номыл Центры биотехнологиты лабораторийы разамонæг Сергей Альховскиимæ.
Бæстонæй ныхас кодтой æмгуыстады пъланыл. Фæнд кæнынц мыстытæ, уырытæ, хæлымбыттыртæ æмæ джыбытæ республикæйы иртасын. Цæмæй сбæрæг кæной цы хæцгæнизтæ парахат кæнынц, уый. Ацы куыст æххæст кæнынц Æнæниздзинад хъахъхъæнынады паддзахадон хæслæвæрдмæ гæсгæ. Ныридæгæн уал æмгуыстады фарста сæххæст кæдтой Астраханы облæстимæ, стæй Поволжьейы регионтимæ.
