Цыбырты Алексей æмæ Алыбегты Эллæ бафыстой æмгуыстады бадзырд

Уæрæсейы наукæты академийы дзæуджыхъæуккаг наукон центры директор Цыбырты Алексей æмæ республикæйы ахуырад æмæ наукæйы министр Алыбегты Эллæ бафыстой æмгуыстады бадзырд. Сæрмагонд документмæ гæсгæ иумæйагæй архайдзысты “Лекторий “Академическая среда”, зæгъгæ, наукон-рухстауæн проекты райрæзтыл. Аххæсдзæн 8-æй 11-æм къласы онг ахуырдзаутыл. Архайдзысты гом наукон лекториты, дæсныйадæвдисæн ахуыртæ æмææ семинарты. Лекцитæ амондзысты Уæрæсейы наукæты академийы æрыгон ахуыргæндтæ.Ахуыртæ цæудзысты мæй дыууæ хатты республикон центр “Вершина”-йы бындурыл. Сæ сæйраг нысан фæсивæды наукæйы архайынмæ сразæнгард кæнын.