Туристон инфраструктурæйы проекттæн æххуысы гæнæнтыл ныхас кодтой чысыл æмæ астæуккаг амалхъомады райрæзты Федералон корпорацийы æмбырды

Туристон инфраструктурæйы проекттæн æххуысы гæнæнтыл ныхас кодтой чысыл æмæ астæуккаг амалхъомады райрæзты Федералон корпорацийы æмбырды. Видеобастдзинады ‘руаджы дзы архайдта Хицауады сæрдар Дзанайты Барис. Президенты уынаффæмæ гæсгæ, корпораци æххæст кæны къорд мадзæлттæ мидæггаг туризмы райрæзты фæдыл. Амалхъомадæн æххуысæн ацы къабазы сарæзтой нымæцон сервис. Ссарæн дзы ис æмбæлгæ информаци туризмы инвестицион проекттæ æххæст кæнынæн. Уымæй уæлдай ма бакуыстой комплексон финансон æмæ æндæр æххуысы гæнæнтыл. Корпорацийы минæвæрттæ æппæт хъуыддæгты тыххæй бæстонæй радзырдтой регионты минæвæрттæн. Нымæцон платформæ МСП.РФ -æй куыд пайда кæнын хъæуы, уый сын бацамыдтой. Иу сæйраг хæс ма – регионты саразын туризмы парахатæн къордтæ. Ацы куыст хъуамæ æххæстгонд цæуа туризмы къабазы райрæзты регионалон штабы фæлгæты. Премьер бæрнон кусджытæн бабар кодта, хъæугæ информаци бабæстон кæнын æмæ йæ равæрын нымæцон платформæйы 1-æм сентябры онг. Фидæны инверторты ссарыныл бакусын.