“Туризм æмæ уазæгуарзон индустри” национ проекты фæлгæты Уæллаг Цъæйы фæзындзæн ног глэмпинг

“Туризм æмæ уазæгуарзон индустри” национ проекты фæлгæты Уæллаг Цъæйы фæзындзæн ног глэмпинг. Уый тыххæй йæ телеграм-каналы фехъусын кодта Сергей Меняйло. Фæзуаты сараздзысты 5 модулон хæдзары æмæ бассейн. Инвестор сног кæндзæн хъæуы советы бæстыхай дæр. Уым уазджыты зонгæ кæндзысты ирон культурæ æмæ национ хæринæгтимæ. Проекты иумæйаг аргъ у 110 милуан сомы, грантон æххуыс та уыдзæн 7,5 милуаны. Ныртæккæ кусджытæ уадзынц хъæугæ коммуникацитæ бæстыхæйттæ аразынæн. Пъланмæ гæсгæ проект сæххæст кæныдзысты ацы аз.