Хæстæгдæр дыууæ азы Дигорайы бындуронæй сцалцæг кæндзысты сывæллæтты рæвдауæндон æмæ скъола, Æрæфы районы рацараздзысты цæрджыты социалон лæггæдты центр, Цыколайы та фæзындзæн 3 спортивон фæзы. 2026-2027-æм азты Змекæйы сараздзысты ног скъола æмæ культурæйы хæдзар.
Уый тыххæй парламенты советы æмбырды фехъусын кодта хъæууон хæдзарады министры хæдивæг Къадзаты Игорь. Фæнысан кодта, проектон-хыгъдон документты фæдыл дзуапдæттæг ведомство æнгом кусы районты администрацитимæ.
Депутаттæ ма рахæцыдысты федералон закъоны проекты ‘вварс. Йæ фæлгæты фæнд кæнынц скъолаты æмæ скъолайы агъоммæ ахуырадон кусæндæтты тамакойы продукци дымыны фæдыл карздæр административон мадзæлттæ снысан кæнын.
