Тырмоны фæдзæхст бынаты фæзындзæн хъæддаг сырдты фотомониторингы егъау системæ

9.02.2026 13:13

Проект “Хранитель гор и хозяин лесов – кавказский барс и зубр”-ы фæлгæты ацы уалдзæг сæвæрдзысты видеоцæстдарды 30 камерæйы, 5 та уæлæмхасæнтæ.

Тырмоны фæдзæхст бынаты фæзындзæн хъæддаг сырдты фотомониторингы егъау системæ. Проект “Хранитель гор и хозяин лесов – кавказский барс и зубр”-ы фæлгæты ацы уалдзæг сæвæрдзысты видеоцæстдарды 30 камерæйы, 5 та уæлæмхасæнтæ. Фыранктæ æмæ хъæддаг галтæ арæх æмбæхсгæ кæй фæкæнынц, уый тыххæй мониторинг традицион хуызы скæнын æнцон нæу. Цæрæгойты нымæцы фæдыл бæлвырд бæрæггæнæнтæ кæй нæй, уый тыххæй сырх чиныгмæ хаст сырдты бахъахъхъæнын æмæ сæ фæфылдæр кæныны программæйы райрæзт зындæр у. Видеоцæстдарды камерæтæ æппынæдзух кæй кусынц, уый фæрцы та стыр æмæ лыстæг цæрæгойты уавæр раиртасын къухы бафты. Сæ фæрцы ма хъæддаг галтæн холлаг цы бæнæтты ныууадзын хъæуы æмæ арæхдæр кæм вæййынц, уый дæр сбæрæг вæййы. Камерæтæй цы æрмæг сисой, уымæй спайда кæндзысты иртæстыты рæстæг. Проект ахæсдзæн 2027-æм азмæ. Йæ сæйраг нысан Цæгат Ирыстоны экологон мониторинг, адæймаджы æмæ æрдзы пайдайаг æмархайд.

Предыдущий материал

Елхоты 2-æм скъолайы байгом кæндзысты ноггонд æфсæддон музей

Следующий материал

Хæххон паддзахадон аграрон университеты ацыд сæргълæууæджы кубокы кæронбæттæн къæпхæн волейболæй сылгоймæгты `хсæн

Читайте также

Все новости