Уæрæсейы гвардийы регионалон хайады разамонæг Дмитрий Подвысоцкий амыдта ведомствæйы архайды фарстаты фæдыл пресс-конференци. Ныхас цыд терорризмы ныхмæ архайдыл. Сæ кусджытæ бæрнонæй æххæст кæнынц профилактикон куыст цæрджытимæ: фембæлдтытæ, лекцитæ, гом уроктæ ахуырдæтты. Ныхас ма цыд бирæ адæмы архайдимæ мадзæлтты æдасдзинадыл, уыимæ кадртæ цæттæ кæныныл.
Ведомствойы фæнысан кодтой, хæцæнгарз цуан кæнынæн, спортæн æмæ хи хъахъхъæнынæн балхæнын кæй фæнды, уыцы адæмы нымæц кæй рæзы. Уый хынцгæйæ, фæкарздæр кодтой лицензи райсыны фæтк. Медицинон æркасты процедурæ, психиатр æмæ наркологæй уæлдай ма хъæуы химион-токсикологон иртæстытæ дæр ацæуын.
