УФ-йы нал уыдзæн роуминг

Æмæ ма, райсомæй фæстæмæ закъоны бындурыл йæ тыхы чи бацæудзæн, иу ахæм паддзахадон хъæппæрисы тыххæй. Райсомæй фæстæмæ Уæрæсейы нал уыдзæн уыцы-иу хызæджы мидæг роуминг. Бæстæйы Хицауады сæрдар Дмитрий Медведев уый фæдыл бафыста сæрмагонд бадзырд. Бирæ ныхас цыдис, ацы хъæппæрисыл цалдæр азы, фæлæ чырæгон бастдзинады оператортæ къæрттæй цъула не `ппæрстой. Хъуыддагмæ бахъуыд Президенты æркæсын. Æрмæстдæр уымæн бантыст бастдзинады дауджыты басæттын. Сæрмагонд бадзырд уый фæдыл Путин адæмы размæ рахаста ивгъуыд азы декабры. Чырæгон бастдзинады оператортæн гæнæн нал уыд æнæ роуминг аивгæйæ кусын. Ныр уыцы фæтк фидаргонд æрцыд Хицауады уынаффæйæ дæр. Бафтаудзыстæм ма уый, æмæ ног домæнтæ ныр хауынц Хъырыммæ дæр. Куыд фæзæгъынц, фæстаг гæнах дæр басастой.