Æхсæнадон палатæйы уæнгтæ Дзæуджыхъæуы сарæзтой ахст адæмы фарстаты фæдыл семинар. Ныхас кодтой æхсæнадон цæстдарæг къамисы, растгæнæн организациты æмæ барадхъахъхъæнæг оргæнты уæнгтимæ.
Сæйраг фарста уыд, дунейы нымад домæнтæ куыд æххæстгонд цæуынц, уый. Зæгъæм, ахст адæм цы медицинон лæггæдттæ исынц, уыдоны хæрзхъæддзинад. Семинары архайджытæ фæнд кæнынц, ахст адæмы рæстæгмæ кæм дарынц, уыцы хайадмæ ацæуын æмæ ахст адæмимæ аныхас кæнын. Уæрæсейы Федерацийы Слестгæнæн оргæнты специалистты хъуыдымæ гæсгæ, ахæм æмбырдтæ сæ дарддæры куыстæн хорз ахъаз уыдзысты.
