Абон Дзæуджыхъæуы байгом æхсæнад иртасджыты скъола. Санкт-Петербургæй специалисттæ Цæгат Ирыстоны паддзахадон университеты студентты зонгæ кæндзысты социологийы фæзилæнтимæ.
Санкт-Петербурджы Европæйаг университеты минæвæрттæ фембæлдысты нæ республикæйы паддзахадон университеты социологийы факультеты хуыздæр студенттимæ, бакастысты сын лекцитæ. Архайджытæ тынг сцымыдис сты, хæстæгдæр рæстæг сæ хъæудзæн бакусын нæ горæты цæрджытимæ. Ахуырты кæронбæттæны студентты хъæудзæн бацæттæ кæнын презентацитæ, стæй ма лæвæрд темæйæ хи проекты интервьюйæн анализ скæнын. Ахæм ахуырты фæрцы хуыздæр студенттæн фæзындзæн гæнæн Санкт-Петербурджы университеты сæ фæлтæрддзинадыл бафтауынæн.
