Бынæттон цæрджыты ныхæстæм гæсгæ, ацы къанауы иу æмæ дыууæ хæдтулгæйы нæ ныххауд. Талынджы та бынтон нæ фæзыны æмæ уый къуылымпыдзинæдтæ хæссы. Уымæй уæлдай ма дзы цæуы æвзæр тæф. Администрацимæ къорд курдиæтты фæстæ, сыхаг бæстыхайы хицау территори йæхи тыхтæй банывыл кодта. Фæлæ къанау хуырæй кæй байдзаг кодта, уый аххосæй дзы дон куыд æмбæлы, афтæ нал цыд æмæ уынгты ракалд.
Бынæттон цæрджытæ уый бæрц дон куы федтой, уæд фенхъæлдтой, зæгъгæ, зæххы бын цавæрдæр хæтæл атыдта. Уайтагъд фæсидтысты Доны куыстуатмæ. Специалисттæ хызæгтимæ баст авари нæ рабæрæг кодтой. Фæлæ фарста аиуварс кæнынæн баххуыс кодтой. Бынатмæ фæхæццæ сты администрацийы минæвæрттæ дæр.
Специалистты ныхæстæм гæсгæ, газы хæтæл хъæуы фæиуварс кæнын. Æрмæст афтæ ис канализацийы куыст саразын. Цас æмгъуыдмæ æрцæудзæн уыцы хъуыддаг, уый нырма бæрæг нæу, фæлæ коммуналон службæтæ уавæр æппынæдзух бæрæг кæнынц.
