Мæздæджы районы, Виноградное станицæйы цæрджытæн фос хизынæн радих кæндзысты 23 гектары зæхх. Раздæр уыгæрдæн уыд Павлодольскийы хъæды хæдзарады бæрны.
Фосæн хизæн бынæттæ кæй нæ фаг кæны, уый тыххæй станицæйы цæрджытæ Битраты Вячеславæн радзырдтой бынæттон цæрджытимæ фембæлды рæстæг. Республикæйы сæргълæууæг фарст æнæ дзуаппæй нæ ныууагъта. Ныртæккæ цæуынц кадастрон куыстытæ.
Ууыл архайд куы фæуа, уæд уæд дыууæ къуырийы фæстæ фос уыгæрдæнмæ ратæрыны бар уыдзæн. Виноградное бынæттон хиуынаффæйады сæргълæууæджы ныхæстæм гæсгæ адæм фылдæрæй фылдæр дарынц хæдзарон фос.
