Владимир Путин кусæг балцы ссыд Цæгат Ирыстонмæ. Бæстæйы сæргълæууæг бабæрæг кодта мемориалон комплекс “Зæдты сахар”. Нæ бæстæйы Президентимæ уыдысты йæ æххæстбарджын минæвар Цæгат Кавказы федералон зылды Юрий Чайка æмæ республикæйы сæргълæууæг Сергей Меняйло. Нæ бæстæйы разамонæг ссардта Беслæны теракты амæттæгты нæмттæ.
Владимир Путин ма ссардта сæрмагонд дæлхайæдтæ “Альфа” æмæ “Вымпел”-ы æфсæддонтæй чи фæмард, уыдоны нæмттæ, бабæрæг кодта Беслæны фыццæгæм скъола. Бæстыхайы сарæзтой терроризмы профилактикæйы æппæтадæмон культурон-патриотон центр. Сывæллæтты курдиаты рæзты центр “Альтаир”-ы та аныхас кодта сывæллæттимæ. Центр байгом Беслæны дыууæ азы размæ. Кусынц дзы инженерон-техникон, æрдзон-наукон æмæ аивадон здæхтытæм гæсгæ.
Уый фæстæ Владимир Путин фембæлд “Беслæны мадæлтимæ”. Ацы трагедийы бæстæйы историйы баззайдзæн æппæты стырдæр хъæдгомæй. Бæстæйы разамонæг куыд фæнысан кодта, афтæмæй, фыдгæнджытæ æххуыс истой фæсарæнтæй.
Кусæг балцы кæронбæттæн Владимир Путин хицæнæй фембæлд регионы сæргълæууæг Сергей Меняйлоимæ. Регионы разамонæг бæстæйы сæргълæууæгæн радта теракты хъыгдæрд баййафджытæн реабилитацийы фæдыл фæрæзты бæрцы хыгъд.
