Куыд командæйы иннæ архайджытæ, афтæ Уалыты Аркадий дæр йæ Райгуырæн бæстæ хъахъхъдта сæрмагонд æфсæддон операцийы зонæйы. 22-ӕм азы декабры йӕ дыууӕ къахы дӕр уӕззау цӕф фесты. Бирæ рæстæг фæцис госпиталы. Фæлæ йæ ныфс нæ асаст. “Фыдыбæстæ хъахъхъæнджытæ” фонды фæрцы райдыдта волейболæй бадгæйæ архайын. Æртæ азмæ фæхуыздæр кодта йæ æнæниздзинады уавæр, уыимæ ма Уæрæсейы алы горæтты ссардта ног хæлæртты.
Ацы спорты хуызимæ хæстæгдæр базонгæ уæвын кæй бафæндыд, уыдонæн командæйы архайджытæ скодтой хуымӕтӕджы матч нӕ, фӕлӕ гом дуӕртты бон. Уазджытӕн фадат уыд спортсментимӕ аныхас кӕнынӕн, тренировкӕтӕ куыд цӕуынц, уый фенынӕн.
Республикæйы волейболӕй командӕ бадгӕйӕ фӕзынд 3 азы размӕ фонд “Фыдыбӕстӕ Хъахъхъӕнджытæ”-йы фӕрцы. Уыцы рӕстӕгмæ спортсментӕ сæхи æнтыстджынæй равдыстой алыхуызон ерысты. Ныртӕккӕ сӕ размӕ ӕвӕрынц стыр нысантӕ. Фæнд кæнынц, гæнæн куыд ис, афтӕ фылдӕр адӕм ӕрбангом ӕмӕ Ӕппӕтуӕрӕсеон ӕмвӕзадмӕ рацӕуын.
Афæдзæй-афæдзмæ волейбол бадгæйæ парахат кæны. Спортсментӕ сӕ хъӕддыхдзинад ӕмӕ сӕ уды фидардзинадæй сбӕлвырд кодтой, алцæмæндæр уæвæн ис.
