Пъæлицæйы кусджытимæ физкультурæйы урокы архайдтой Мæздæджы цæрджытæ. Се `хсæн куыд карджын адæм, афтæ сывæллæттæ дæр. Пъæлицæйæгтæ мадзалмæ æрбацыдысты сæ бинонтимæ. Мидхъуыддæгты министрады пъæлицæйы хайады разамонæджы хæдивæг, пъæлицæйы дæлбулкъон Мареттæ Абрамова куыд зæгъы, афтæмæй уæлдай æргом здахынц сæ кусджыты æнæниздзинадмæ. Æппынæдзух сын фæткмæ гæсгæ саразынц ахуыртæ. Фæсивæды æргом æнæниз царды уагмæ раздахыны тыххæй саразынц æнæниздзинады бон дæр.
Ацы мадзалы ма архайдтой Мæздæджы сывæллæтты хæдзары хъомылгæнинæгтæ. «Я выбираю спорт», зæгъгæ, флешмобы эстæфетæ Мæздæджы пъæлицæйæгтæ дарддæр радтой республикæйы иннæ районты мидхъуыддæгты министрады дæлхайæдтæм.
