Цæгат Ирыстоны хъæуты фæбæрзонддæр кæндзысты финансон ахуырдзинад. Ахæм проект кусын райдыдта Цæгат Ирыстоны паддзахадон университеты. Республикæйы алы районты скъолатæй 50 ахуыргæнæджы нырттæккæ хъусынц сæрмагонд курсытæм университеты. Проектмæ гæсгæ, ахуырты фæстæ ахуыргæнджытæ сæ скъолаты амондзысты финансон зонындзинæдты урочытæ. Астæуккаг æмæ хистæр кълæсты ахуырдзаутæ ахуыр кæндзысты æхцайæ раст пайда кæныныл. Уымæй уæлдай ма сахуыр кæндзысты экономикон терминтæ дæр. Ахуыргæнджытæ æххуыс кæндзысты æрмæст скъоладзаутæн нæ, фæлæ ма хъæуты цæрджытæн дæр.
Уæ зæрдыл уын æрлæууын кæндзыстæм, федералон проект арæзт цæуы Уæрæсейы бирæ хъæуты. Мадзал аразджыты ныхæстæм гæсгæ, финансон ахуырдзинад фæбæрзонддæр кæндзæн адæмы царды хæрзхъæддзинад.
