Зынгхуыссынгæнджытæ райстой æнæнхъæлæджы цауы тыххæй хъусынгæнинаг. Ирвæзынгæнджытæ хъуамæ арæвдз уой минуты æмгъуыдмæ. Ам сæйрагдæр у раст æмæ сæрæн архайд. Хъарданты Давид бæстонæй дзуры æцæг уавæрты куыст куыд арæзт вæййы, уый. Амынддзинæдты фæстæ та ирвæзынгæнæджы уæлæдарæс йæ уæлæ абарста алы архайæг дæр.
Цалдæр минутмæ фæсивæд арæвдз сты. Сæ къухты телефонтæ æмæ микрофонты бæсты фæрæт, хырх æмæ лом. Ацы дзауматæ сæ бынаты æнæмæнг бахъæудзысты. Экиперовкæйы уæз вæййы 30 килограммы онг. Ирвæзынгæнджыты къорд араст фыдбылызы бынатмæ. Æрымысгæ цаумæ гæсгæ, зынгсирвæзт æрцыд цæрæн хæдзары. Зынгхуыссынгæнджыты ацæуын хъуыд алыхуызон цæлхдурты сæрты, лабиринты сарæхсын, уыимæ мæ хъыгдæрд чи баййæфта, уый фервæзын кæнын. Æппæт ацы хæслæвæрттæ сæххæст кæнын хъуыд талынджы, къуылымпы ма сæ кодта фæздæг дæр. Улæфæнтæ бахъахъхъæныны нысанимæ ирвæзынгæнджытыл æлхъывд уæлдæфимæ баллон æмæ сæрмагонд маскæтæ.
Ирвæзынгæнджыты къорды ис 5 адæймаджы. Бæстыхаймæ фыццаг бахызт командæйы капитан Хъæллагты Сæрмæт. Йæ фæстæ æртæ архайæджы æмæ инструктор. Бынатмæ сæ хъуыд сæ уæрджытыл бырын. Нарæг лабиринты хорз сарæхстысты, хъыгдæрд баййафæджы æдас ранмæ ракæнын бантыст.
Уый та уыд мадзалы сæйраг нысан, зæгъынц мадзаларазджытæ. Афтæмæй, ма цæрджытæ иу хатт федтой ирвæзынгæнджыты зын æмæ ахсджиаг куыст.
Ахæм квест блогертæ æмæ журналистты ‘хсæн ирвæзынгæнæджы боны фæлгæты фыццаг хатт сарæзтой.
