Адæмон фронты куыст, ирон æвзаджы хъомыс интернеты æмæ базарадон-экономикон колледжы цалцæг I Йæ рæстæгыл

Æппæтуæрæсеон адæмон фронты регионалон хайад цы фарстатыл бакуыста, уыдоныл афæлгæсыдыстæм равдыст «Йæ рæстæгыл»-ы. Афæдзмæ бирæ бафтыд сæ къухы. Сæ хатдзæгтæ канд социалон æмæ коммуналон лæггæдты куыстимæ баст не сты, фæла ма нырыккон техникон фæрæзтæ æмæ гуманитарон æххуысимæ дæр. Нырыккон гæнæнтæй спайда кодтой æмæ фæзынд «Яндекс тæлмацгæнæг» дæр. Йæ ахадындзинадыл аныхас кодтам нæ уазджытимæ. Базыдтам, цæмæй пайда у æмæ ма цæуыл хъæуид бакусын мадæлон æвзаджы рæзты тыххæй. Райрæзт æнхъæлмæ кæсы РЦИ-Аланийы базарадон-экономикон колледжмæ дæр. Ацы ныхæстæн сæ хъуыды бæлвырддæр райхæлдтам «Йæ рæстæгыл».