2024-æм азы Уæрæсейы иу адæймагмæ дæр агъуыддзинад, ома цæрæгойтæй бахæцæг æрраниз не сбæрæг кодтой. Фæлæ уыцы рæстæгмæ низ раиртæстой 500 цæрæгоймæ. Уыдонæн се `мбис хъæддаг сырдтæ уыдысты. Агъуыддзинады цаутæ фæкъаддæр кæныны тыххæй хæдзарон цæрæгойтæн вакцинаци вæййы лæвар. Ацы бонты сæ кæнынц нæ республикæйы дæр. Акцийыл æмæ, æмткæй, агъуыддзинадыл ныхас кæнæм «Йæ рæстæгыл».
9-æм ноябры Октябрьскæйы спортивон комплексы ногæй уыдзæн «Иудзинады Зилахар». Се спортивон арæхстдзинад дзы æвдисдзысты Ирыстоны мыггæгты минæвæрттæ. Бæрæгбон бабастой Уастырджийы бонтимæ. Спортивон фембæлд кæй руаджы уыдзæн, уыдон та сты æхсæнадон организацитæ «Ирон Федераци», «Иудзинад», адæмон Совет «Аланты Ныхас» æмæ нæ республикæйы спорты министрад.
