Джызæлы цы аргъуан уыдис, уымæн йæ ныв дæр налбаззад.
Арæзтæрцыд 1867-æм азы. Тынг стыр нæ уыдис. Советон хицауады заман Джызæлы аргъуан ныппырх кодтой. Уый уыд 1929 азы. Цыдзаумæттæ дзы уыдис, уыдон та судзгæ бакодтой. Ныр ын йæ бындур дæр ссарæн налис. Йæ бынаты йын 1939 азы сарæзтой скъола. Дзæуджыхъæуы епархи куы нæма сæвзæрд, уæдæйнырмæ ныхас цæуы уыцы аргъуан сног кæныныл. Хъӕуы администраци разы у ног аргъуанæн бынат рахицӕн кӕнынæн. Фӕлӕ йӕ саразынмӕ чи бавналдзӕн, уый нырма бӕрӕг нӕу.
