Архитектурæйы бон, Космосы æппæтдунеон къуыри æмæ фестиваль «Осетинская лира» I Йæ рæстæгыл

Республикæйы сæргълæууæджы уынаффæмæ гæсгæ, ацы аз Цæгат Ирыстоны нысангонд у куыд архитектурæйы афæдз. Йæ фæлгæты Кæфты мæйы фыццæгæм бонты Дзæуджыхъæуы уыд сæрмагонд мадзал «АрхАлания». Бабастой йæ Архитекторы дунеон бонимæ. Æмæ уый уыд нæ дзуринаг. Ныхасы аккаг ма нын уыд Космосы æппæтдунеон къуыри дæр. Ацы бæрæгбоны фæлгæтыл арæзт æрцæуынц бирæ алыхуызон мадзæлттæ. Нæ республикæ дæр фæстейы нæ баззад. Йæ рæстæгыл зындгонд ахуыргонд Къомайты Русланы хъæппæрисæй космосон тыгъдад хуыздæр базонынæн фадат фæзынд Цæгат Ирыстоны скъоладзаутæн. Цавæр æнтыстдзинæдтæ бафтыд сæ къухы æмæ цæмæ тырнынц, уый тыххæй нын радзырдта нæ уазæг. Нæ равдысты æртыккаг хайы та не `ргом аздæхтам Дзæуджыхъæуы поэзийы 3-æм æппæтадæмон фестиваль «Осетинская лира» æмæ Цæгат Ирыстоны фыццаг поэзийы театрмæ.