Ирон адæймагæн йæ алы архайд, йæ алы сныхас дæр æгъдауимæ баст у. Æвæрд дзы ис бæлвырд хъуыды. Фæлæ рæстæгимæ нæ æгъдæуттæй кæцыдæртæ рох кæнын байдыдтам. Уый фыдæй фæзæгъæм «комæй коммæ хицæн æгъдау ис».
Æрвылбон кæрæдзи фæрафæрс-бафæрс кæнæм: куыд хуыздæр æмæ куыд растдæр кæнгæ у ацы æгъдау, зæгъгæ. Фæрсын та хорз у. Дзуаппытæ чи агуры, зонгæ дæр уый кæны. Абон та уæдæ нæ фарстытæ ратдзыстæм нæ студийы уазджытæн. Æмæ нæ æндæхты къуыбылойыл æртухдзыстæм чындзæхсæвимæ баст æгъдæуы хабæрттæ.
