Хъарман-Сындзыхъæу кæрæдзийыл бæтты Дыгуры, Æрыдоны æмæ Алагиры районтæ. Бæтты ома цы хуызы? Фæндаджы фæрцы. Фæлæ уыцы бæттæгæн дæр йæ уавæр хуымæтæг нæу. Уæдæ мыггаг бæттæг та куывд æмæ бæрæгбон вæййыц. Туалгомы цæрджытæ сæхи цæттæ кæнынц Хуыцауы Дзуары Бонмæ. Цымыдисаг дзуринæгтæ ис Мæздæджы минæвæрттæм дæр. Æмæ æппæт уыдæттыл дзурæм нæ программæйы.

1-æм декабрæй фæстæмæ цæрджытæн æнцондæр уыдзæн сæ риссаг фарстытæ социалон хызты фæрцы лыг кæнын. Паддзахадон Думæ ивддзинæдтæ бахаста «Информацийы, информацион технологиты æмæ информаци хъахъхъæныны тыххæй» закъонмæ. Йæ æххæст кæныныл Ирыстоны куыд кусынц æмæ куыд кусдзысты, ууыл дзурæм нæ программæйы. Уымæй уæлдай ма не `ргом аздæхтам, хъæууон скъолатæй республикон конкурсы хуыздæр чи разынди, уыдонмæ.

Æрæджы заманхъуйлæгтæ равзæрстой администрацийы ног хицауы. Ивддзинæдтæ сыл куыд фæбæрæг уыдзысты? Фæллой кæныны гæнæнтыл та ныхас цыди нæ республикæйы сылгоймæгты Советы. Æхсызгон хабар – се `ргом хъæуккаг сылгоймæгтæм дæр аздæхтой. Уыдæттыл æрдзырдтам нæ программæйы. Уымæй уæлдай ма æрныхас кодтам, 10-æм июлы Ирыстоны цы кадджын бæрæгбон уыдзæн, ууыл.

Сæрды нæ районты фылдæр хайы адæм стыхсынц æнæдон рæстæгæй, уæдæ иннæ рæтты та къæвдадæттæ свæййынц фыдбылызы аххосæгтæ. Амæй размæ Буроны цы ламидæттæ æрцыдысты, дзурæм уыдоны фæстиуджытыл. Не `ргом здахæм æхсæнадон транспортон фарстмæ дæр. Уæдæ Ираны цæрджытæ та хуыцаубоны сбæрæг кæндзысты сæ хъæуы юбилей.

Рахизфарсы æмæ Æрыдоны районтæ 6-æм июны систы æрдзон фыдбылызы амæттæгтæ. Ставд-Дурты цæрджытæ æвдисæн сты, сæ хъæуы уынгты дондзæуæн бынæттæ кæй сарæзтой, уымæн.

Алагиры хъомыл кæны, гуымсæгæй (барабанæй) цæгъдынæй нæ республикæйы кæуыл нæма фæуæлахиз сты, ахæм къорд. Ногиры музыкалон скъола та ныридæгæн схызти ахæм бæрзæндтæм, æмæ йæ бон концерттæ дæттын у. Уæдæ национ спорты хуызты хъæзтытæй та раззагдæртæй иу Джызæл разынди. Фæллой кæнынæй та бафæзминаг сты Кировы район æмæ Дур-Дуры скъола-интернаты фæсивæд. Æппæт уыдæттыл дзурæм нæ программæйы.

Дæргъæвс æмæ Мæхческы скъоладзаутæ чысыл ис. Фæлæ уыдоны дæр фæнды спортивон æмæ сфæлдыстадон къордты архайын. Афтæмæй та сын ахæм фадат нæй. Нæ программæйы ныхас кæнæм, хъæуккаг фæсивæдæн баххуыс кæнæн цæмæй ис, ууыл.

Æнæхæдзар куыйтæ – Ирыстоны уынгты барджын хицæуттæ. Ныр кæдæй дзурæм цæрæгойты фарст банывыл кæныныл. Хаст цæуынц сæрмагонд закъонтæ æмæ уынаффæтæ, фæлæ, цыма, хъуыддаг æппындæр йæ бынатæй не змæлы, афтæ нæм кæсы. Иннæ фарст – бырæттæ æмæ сæ ласыны хъуыддаг. Æртæ къуырийы размæ бырæттæ æфснайæг компани «Эра» районтæм бартхъирæн кодта, сæ лæггæдтæн адæм æхца куы нæ фидой, уæд Ирыстоны хъæутæн сæ бырон нал ласдзыстæм, зæгъгæ. Цæмæй уавæр сраст кæной, уый тыххæй адæмæн æмгъуыд радтой ацы мæймæ. Цы аивта уæдæй абонмæ районты? Стæй аивта? Уыдæттыл дзурæм нæ программæйы.

Црауы цæрджытæ тыхсынц, тагъд рæстæджы сæ уæлмæрдты бынат кæй нал уыдзæн, уымæй. Афтæмæй та хъæуы ног уæлмæрдтæн зæхх нал ис. Куыд лыггонд æрцæудзæн ацы фарст, ууыл дзурæм нæ программæ «Комæй коммæ»-йы. Уымæй уæлдай ма ныхас кæнæм уæлмæрдтæм зилыны æмæ сæ æфснайыны хъуыддагыл. Паддзахадон Думæмæ «Ныгæныны хъуыддаджы фæдыл» цы закъоныпроект бахастой, уый цавæр ивддзинæдтæм æркæндзæн, æмæ Ирыстоны цæрджытыл куыд сахаддзæн? Ацы фарстытыл ныхас кæнæм комкоммæ эфиры.

Цæгат Ирыстоны хъæууон дохтыртæн хъуамæ бафидой фæйнæ милуан сомы æмæ æрдæг. Æхца ратдзысты, программæ «Хъæууон дохтыр»-ы чи архайы, уыдонæн. Кæцы хъæуты æнхъæлмæ кæсынц медицинон кусджытæм, æмæ дæрддзæф бынæттæн ацæуынмæ разы чи у? Брæттæ æфснайæг компани бартхъирæн кодта, хъæутæм кæй нал цæудзæн, уымæй. Куыд лыг кæндзысты районты администрацитæ сæвзæрд фарста? Стæй Æрыдоны районы Красногорыхъæуы ног æвзæрст сæргълæууæг ахсджиагдæрыл цы нымайы? Уыдæттыл дзурæм нæ программæ «Комæй коммæ»-йы.