Нæ уазæджы республикæйы се ппæт дæр зонынц. Зонынц æмæ уарзынц. Уæлдай æхсызгон та уый у æмæ йæ ном парахат у нæ бæстæйы иннæ регионты, суанг ма фæсарæнты дæр.
Куыд рауад афтæ? Æвæццæгæн, хуымæтæг дзуапп — курдиат. Хуыцау адæймагæн куы раарфæ кæны, уæд æй фæхайджын кæны исты хорзæхæй. Цæмæй йæ алыварс чи ис, уыдонæн хæсса циндзинад, æхсызгондзинад, сæ рыст æмæ сын сæ зындзинæдтæ дард сура. Нæ уазæг у Дзуццаты Сослан.
