Каникулты рæстæг сæхи куыстыл ирхæфсдзысты, 14 азæй 18 азы онг кæуыл цæуы, ахæм сывæллæттæ. Фарон нæ ахуырдзаутæй куысты бынæттæй сифтонг кодтой мин адæймагæй фылдæры. Ацы сæрд ирыстойнаг скъоладзаутæн цы уавæртæ сараздзысты, стæй хистæр кары адæмæн куыстæй цы зæрдæ æвæрынц, ууыл ныхас нæ студийы.
Июны Цæгат Ирыстоны ногæй ацæудзысты фæсивæдон Парламентмæ æвзæрстытæ. Хъæлæс кæндзысты электрон хуызы. Йæ кандидатурæ бадæттын йæ бон у, 35 азы онг кæуыл цæуы, ахæм æрыгæттæн. Цы хъæуы зонын фæсивæдон парламентмæ æвзæрстыты тыххæй æмæ абоны онг ацы оргæны размæ цвæр хæстæ лæууы, ууыл йæ рæстæгыл ныхас кæнæм нæ уазджытимæ.
Республикæйы фæзынд æмæ кусын райдыдта Кады Националон чиныджы сайт «Слава Алании», зæгъгæ. Йæ фæрстыл ын фенæн ис, нæ адæмæй намысджынæй чи фæцард, ном канд йæхицæн нæ, фæлæ йæ фыдыбæстæйæн чи фæкодта, уыдоны хуызистытæ. Алы адæймагæн дæр дзы ис йæхи истори, фæлæ йæ иу дæр йæ райгуырæн зæххæй хицæн нæ кодта. Кады Националон чиныджы сайты тыххæй мах бафæндыд бæлвырддæр базонын.
