Æрæджы Мæскуыйы уыд 11-æм æппæтуæрæсеон конкурс «Чысыл горæтты æмæ историон хъæуты райрæзт». Æрыдон, Дигора æмæ Елхот фыццæгты æмрæнхъ æрлæууыдысты. Æрыдоны базилдзысты сæйраг паркмæ, Елхоты сараздзысты футболон фæз, спортивон бынæттæ æмæ парк. Дигорайы сног кæндзысты Тогойы-фырты уынджы бæстыхай. Æппæт куыстытæн федералон бюджетæй ратдзысты 240 милуан сомæй фылдæр. Цавæр ивддзинæдтæ фендзысты Дигорайы цæрджытæ, ууыл «Йæ рæстæджы» дзурæм бæлвырддæр.
Уæрæсейы æхсæнадон палатæйы уæнгтæ фехъусын кодтой сæ фæндон нæ бæстæйы скъолаты эстетикон хъомылады курсытæ байгом кæнынæй. Уыцы ахуыртæм хаудзæн хи дарыны хъуыддаг æмæ ныхасы культурæ. «Ахсджиаг у, цæмæй не скъоладзаутæ рæзой, куыд æххæст гоймæгтæ, афтæ», — загътой æхсæнадон палатæйы уæнгтæ. 10-15 азы размæ дæр ма исчи уынджы æнæуаг дзыхæй сдзура, уымæн уæвæн нæ уыд. Ныр уавæр цæхгæр фæивта. Уынджы æнахъом сывæллæтты дзыхæй дæр схауы карз ныхæстæ. Ныхасы культурæйыл æмæ йæ адæмы зондахасты ныффидар кæныны гæнæтыл дзурæм «Йæ рæстæгыл» нæ студийы.
