Уæрæсейы хицауад хъуамæ æхсæз мæймæ сфидар кæна фæндæгты æдасдзинадхъахъхъæнæг мадзæлтты пълан. Документæн уыдзæн Стратегийы нысан. Уынаффæ бахаста нæ бæстæйы Президент.Куыд ахадынц паддзахадон уынаффæтæ фæндаггон фыдбылызты нымæцыл æмæ афæдзæй-афæдзмæ æгъдаухæлдтыты амæттæгтæ къаддæр цæуыннæ кæнынц, ууыл ныхас кæнæм «Йæ рæстæгыл».
Æрæфы районы ис ансамбль «Мелодии гор». Цалдæр боны размæ уæлахизимæ сыздæхтысты Мæскуыйæ æппæтуæрæсеон конкурсæй «Душа баяна-2025». Бацахстой дзы 2-æм бынат. Чызджытæ ирон культурæ æнæхъæн бæстæйы сфæлдыстадон къордты `хсæн куыд парахат кодтой, иннæтæй арæхсджындæр цæмæй разындысты æмæ ирон цагъд иннæ адæмыхæттыты цæгъдтытæй цæмæй хицæн кæны? Уыдæттыл дзурæм нæ эфиры.
Уæдмæ та уал нæ республикæйы фыццаг хатт фæзынд ног спортивон дæсныйад. Дзæуджыхъæуы тагъд хъуамæ йæ кой айхъуыса тохифтонг тхэквондойæн. Ныридæгæн уал ног дæсныйады разамонджытæ кæнынц фыццаг къахдзæфтæ. Уыдæттыл æмæ фидæны чемпионты хъомыладыл ныхас кæнæм нæ изæры уазджытимæ.
