Галæвзаг

Галывзæгтæ сты 200 хуызæй фылдæр. Æмæ дзы алкæмæн дæр сæрмагонд миниуджытæ ис. Йæ хуызтæ та йын зынтæй сбӕрӕг кӕндзынæ: алыхуызон сты сæ бакастмæ, сæ асмæ гæсгæ дæр. Махмæ цы хуызтæ рæзынц, уыдон кæрæдзимæ тынг æввахс лæууынц. Диссаг ма уый у, æмæ йæ алы хуыз дæр æндæр низты ныхмæ тох кæны. Иутæ рæуджыты низтæ дзæбæх кæнынц, иннæтæ цæфы æмæ сыгъды хос сты, чидæртæ та буарæй уазал тæрынц. Фæлæ, ногæй та уын æй дзурын — æнæ дохтыры уынаффӕйӕ ахæм хостæ нуазæн нæй. Алы зайæгой хос дæр у, стæй йæ бон зиан хæссын дæр у, æмæ сæ æнæзонгæ пайда ма кæнут.