Немыцаг фашистты фыдракæндтæ геноцидыл банымайыны курдиат балæвæрдтой Цæгат Ирыстоны сæйраг тæрхондонмæ. Цы рамбулдзæн ацы хъуыддагæй Ирыстон æмæ цæмæн бахъуыд, 80 азæй фылдæр кæуыл цæуы, уыцы цаутæ хурмæ ракалын? Уыдæттыл ныхас кæнæм нæ студийы.
400 наукон куысты æмæ 12 монографийы автор, скъоладзаутæн ахуыргæнæн чингуытæ саразæг, роман «Евгений Онегин» ирон æвзагмæ раивæг. Ахуыргонд, æхсæнадон æмæ политикон архайæг Джусойты Нафийы райгуырдыл сæххæст 100 азы. 80 азы та æххæст кæны курдиатджын поэт, драматург æмæ тæлмацгæнæг, Нафийы кæстæр æфсымæр Хаджеты Таймуразы райгуырдыл. Иу бинонты æнтыстджын кæстæртыл дзурæм «Йæ рæстæгыл».
Æрæджы Туркæй сыздæхтысты нæ культурæйы кусджытæ. Къорд адæймагæй уыдысты Стамбулы. Цæй тыххæй æмæ сæ балцæй радзуринаг цы ис, ууыл та ныхас кæнæм нæ республикæйы культурæйы сгуыхт кусæг Годжыцаты Изольдæимæ.
