Ирон æвзаджы рæзты центр, гранттæ — хуыздæр скъолатæн, скифаг æвзæгты бындурыл фыст зарæг I Йæ рæстæгыл

Ирон æвзаджы рæзты центр Цæгат Ирыстоны æрæджы райдыдта кусын. Йæ размæ цы хæстæ сæвæрдта, уыдонæй ахсджиагдæр у скъолатæн ахуырадон чингуытæм цæст дарын æмæ чиныгаразджытимæ æмгуыст кæнын. Цавæр хатдзæгтæ уал у сæ бон скæнын центры кусджытæн? Уый иртасæм «Йæ рæстæгыл». Цæгат Ирыстоны 60 скъолайæн райсдзысты гранттæ. Æхцатæ байуардзысты, куыд чысыл скъолатæн, афтæ егъау ахуыргæнæндæттæн дæр. Нæ студийы уазджытæ радзырдтой сæ æнтыстыты æмæ къуылымпыдзинæдты тыххæй. Уымæй уæлдай ма нæ эфиры фыццаг хатт азæлдзæн скифаг æвзæгты бындурыл фыст зарæг. Йæ автортæ та нын фехъусын кодтой музыкалон уацмысы равзæрды тыххæй.