Коммуналон лæггæдты хæрзхъæддзинад æмæ РЦИ-Аланийы адæмон инструментты оркестр

Къостайы проспект, 213-æм хæдзары тыххæй базыдтой æгас бæстæйы дæр. Йæ цæрджытæ 10 азæй фылдæр тыхстысты, коммуналон лæггæдтæ сæм æмбæлгæ уагыл кæй нæ уыдысты, уымæй. Сæ хъизæмæрттæн куы нал фæрæзтой, уæд æрхатыдысты махмæ æмæ «Адæмон фронт»-мæ. Хъуыддаг йæ бынатæй фенкъуыст. Суанг ма йæм УФ-йы Слестгæнæн комитеты сæрдар Александр Бастрыкин дæр йæ хъус æрдардта. Студийы ацы уавæрыл аныхас кодтам бæлвырддæр. Дзырдтам ма национ музыкæйыл. Уый тыххæй нæ уазæг уыд адæмон инструментты Гæздæнты Булаты номыл паддзахадон оркестры аивадон разамонæг. Скодтам хатдзæгтæ сфæлдыстадон къорды ивгъуыд азæн. Базыдтам ма, фидæнмæ цы нысантæ сæвæрдтой сæ размæ, уый тыххæй дæр. Æмæ нæм афтæ фæкаст, цыма се сфæлдыстадон къæбиц хъæздыг уыдзæн.