19-æм хатт ацæудзæн æппæтдунеон скъола-конференци «Гуманитарон наукæты нырыккон фарстатæ». Йæ архайджытæ суыдзысты æрыгон ахуыргæндтæ. Этнологи, истори æмæ археологи, мифологи æмæ адæмон сфæлдыстад, æвзагзонынад, социологи æмæ политологи. Æппæт уыдæттыл дзурдзысты сæрдыгон скъолайы минæвæрттæ, мах та семæ нæ студийы сæмбæлдыстæм.
Нæ республикæйы астæуккаг профессионалон ахуыргæнæндæттæй стырдæртæй иу у Цæгат Ирыстоны паддзахадон базарадон-экономикон колледж. 2017-æм азы хаст æрцыд Уæрæсейы хуыздæр ахуыргæнæндæтты национ реестрмæ. 20-æм июнæй фæстæмæ дзы кусын райдыдта документтæ исыны къамис. Царды ивддзинæдтæ куыд ахадынц колледжыл æмæ цавæр гæнæнтæ æххуыс кæнынц фæсивæдæн фидæны куыст ссарынæн? Ууыл ныхас кæнæм «Йæ рæстæгыл».
Июны фæстаг сабаты нæ бæстæйы сбæрæг кæнынц фæсивæды Бон. Йæ равзæрд раст Советон заманæй цæуы. Фæсивæдыл нымад цæуынц, 14 азæй 35 азы онг кæуыл цæуы, нæ бæстæйы уыцы цæрджытæ. Цы бæрæггæнæнтæ нæм ис, уыдонмæ гæсгæ, 7 азæй 17 азы онг кæуыл цæуы, уыдон Цæгат Ирыстоны сты 82 мин адæймагæй фылдæр, 18 — 29 азы онг кæуыл цæуы, уыдон ты сты 83 мины. Куыд цæрынц, куыд фæллой кæнынц æмæ сæ бæллицтæ куыд æххæст кæнынц, ууыл та ныхас кæнæм нæ программæйы.
