Полилингвалон ахуырад, логопеды дæсныйад æмæ Авиадиспетчеры бон

Сæ рæстæгыл цæттæ сты нæ дзуринæгтæ. Зæгъæм, октябры райдиан Дзæуджыхъæуы уыдис полингвалон ахуырады фæдыл 10-æм конференци. Æрбамбырд æм сты суанг фæсарæнтæй дæр. Цæуыл уыд сæ ныхасы сæр, уый та базыдтам нæ студийы уазæгæй. Уæдæ ахуырадимæ æнгом баст у логопеды дæсныйад. Сæ куысты руаджы сывæллонæн æххæстæй æмæ растæй байгом вæййы мырты дуне. Арæх се `ххуыс вæййы лæвар. Иу ахæм зæрдæхæлар адæймаг уыдис мах уазæг дæр. Хуыцаубоны та сæ профессионалон бæрæгбоныл сæмбæлдзысты авиадиспетчертæ. Зæххыл уæвгæйæ, уыдон сты уæлдæфон фæндагамонджытæ. Сæ куыст адæмы цæстыты цур нæ фæцæуы, фæлæ адæм, хæдтæхæджы бадгæйæ, æххæстæй дæр вæййынц сæ бæрны. Бæрæгбоны размæ Дзæуджыхъæуы аэропорты раздæры диспетчеримæ ныхас кодтам нæ студийы.