Хæххон Садоны цæрджытæ курæг сты, цæмæй бæрнон адæм базилой, хъæумæ цы иунæг фæндаг цæуы, уымæ. Доны хæтæлтæ дзы куы ивтой, уæд фæндаджы кæрæттæ къæхтытæй баззадысты. Уавæр куыд æмæ кæд аивдзæн, ууыл дзурæм нæ программæйы.
Адæмы хи продукцийæ æфсадыны кой куы кæнæм, уæд ацы хъуыддаджы Цæгат Ирыстон иннæ регионты хсæн бацахста 10-æм бынат. Бæрæггæнæнтæ скодтой 2024-æм азæн. Ахадгæ къахдзæфтæ дзы кæнынц хъæууон хæдзарады фæллойгæнджытæ, стæй ацы къабазы наукон куыст чи кæны, уыдон. Зæгъæм, хæххон аграрон университеты ныр дзæвгар азы рæзын кæнынц картофы ног хуызтæ.
Сфæлдыстадон зынг кæй зæрдæйы уа, уымæн æй бамбæхсын кæнæ йæ ныммынæг кæнын зын вæййы. Æндæр куыд ис бамбарæн, æмæ инженер, техникон наукæты кандидат Ходы Николай ныв кæныны фæндагыл кæй æрлæууыд, уый? Абон æй фылдæр зонæм Цæгат Ирыстоны адæмон нывгæнæг æмæ скульпторæй. Алывæрсыг уыд йæ æрдзон курдиат. Бирæ азты разамынд лæвæрдта Ирыстоны рагондæр завод «Электроцинк»-æн. Афæдз рацыд, зындгонд скульптор не *хсæн куы нал ис, ууыл. Курдиатджын нывгæнæг, металлург Ходы Николайы æрымысыдыстæм «Йæ рæстæгыл».
