Сывæллæтты фæлладуадзæн рæстæг кæронмæ фæхæццæ кæны æмæ та тагъд скъолаты кæртытæ сæ уынæрæй байдзаг уыдзысты. Фæлæ улæфæн бонтæ æнæпайдайæ нæ арвыстой. Республикæйы сын куыстой фæлладуадзæн лагерьтæ. Сæ иуы минæвар уыдис нæ студийы уазæг.
Абон ма Уæрæсейы у Кинойы бон дæр. Цæгат Ирыстоны аивады ацы хуызмæ рагæй æмхиц сты. Цы бирæ кинонывтæ ист æрцыдысты, уыдоныл дæсгай азтæ рацыд, фæлæ сыл адæм раздæрау бацин кæнынц. Кæд схæцдзæн киноаивад ногæй йæхиуыл? Уый уыдис нæ дзырды сæр, студимæ нæм чи саккаг кодта, нæ уыцы уазæгимæ.
Национ музейы та дарддæр кусы Кучиты Юрийы номимæ баст равдыст. Йæ райгуырдыл æххæст кæны 105 азы. Равдыст саразджытæ куыд зæгъынц, афтæмæй цымыдисаг уыдзæн алкæмæн дæр. Цы дзы фенæн ис, уый тыххæй нын сæхæдæг радзырдтой. Фæтагъд кæнут — равдыст ма кусдзæн 28-æм æмæ 29-æм августы.
Программæйы кæронбæттæны та фысымтæ уыдыстæм, боксыл æнувыд чи сты, ахæм адæмæн. Иу дзы рингмæ рацæуы, иннæ та æххуыс кæны, рингмæ чи рацæуы, уыдонæн. Нырма уал кæрæдзийы æмбарынц, æмæ уый та фидæны уæлахизты нысан у.
