Сылгоймаг нӕлгоймаджы дӕсныйады, сабиты фӕлладуадзӕн бонтӕ, ансамбльтӕ «Алан» ӕмӕ «Иры стъалытӕ»

Сылгоймӕгты ӕппӕтдунеон боны размӕ нӕ студимӕ ‘рбахуыдтам, нӕлгоймӕгты ӕмрӕнхъ чи лӕууы ӕмӕ ӕхсӕнадон куыст чи кӕны, уыдоны. Сӕ иу ирвӕзынгӕнӕг у, иннӕ та сӕрмагонд хӕстон операцийы дохтыры куыст кӕны. Дӕнцӕгӕн хӕссинаг чызджытӕ! Афтӕ ма нӕм йӕ рӕстӕгыл сӕмбӕлд нӕ республикӕйы фӕллой ӕмӕ социалон рӕзты министрады минӕвар. Дзырдтам, сӕрды сывӕллӕттӕ сӕ фӕллад кӕм ӕмӕ куыд суаддзысты, ууыл. Гӕнӕнтӕ — бирӕ, куыд рабӕрӕг, афтӕ. Уӕдӕ ма нӕм сӕ юбилеон концерты размӕ сӕмбӕлдысты ансамбль «Алан»-ы аивадон разамонӕг ӕмӕ бӕрӕгбоны изӕры режиссёр. Ирыстонӕн ном уал азы чи кӕны, уыцы къордӕн дзырдтам йӕ ивгъуыд, йӕ абон ӕмӕ йӕ фидӕныл. Зындгонд артисттӕн сӕ фӕд-фӕд чи уайы, уыцы ӕвзонг кафджытӕ та кӕрон скодтой нӕ программӕйӕн. «Иры стъалытӕ», зӕгъгӕ, ансамблы уӕнгтӕ фесгуыхтысты егъау ӕркасты. Уый тыххӕй нын сӕхӕдӕг радзырдтой.