1,5 млрд сомы фæфылдæр республикæйы экономикæ чысыл æмæ астæуккаг амалхъомады фæрцы. Уый кредитон гарантиты фонды куысты ‘руаджы. Фæстаг 8 мæймæ ведомство амалхъом адæмимæ бафыста 75 бадзырды æмткæй 654 млн сомы аргъæн. Фарон æмгуыстады сыфтæ уыдысты 119, алыхуызон куыстуæтты фæрцы та райстой 2,1 млрды.
Гарантион æххуыс фонд бакæны “Чысыл æмæ астæуккаг амалхъомадмæ фæкæсыны фæдыл” национ проектмæ гæсгæ. Фæстаг 24 мæймæ финансты бæрц уыд 400 млн соммæ ‘ввахс. Ацы аз æххуыс чи исы, уыдоны 30% кæнынц хъæууон хæдзарадон куыст, 34% — базарадон, 10% — промышленносты.
