1-æм сентябрæй Уæрæсейы снысан кодтой нымæцон сом

1-æм сентябрæй Уæрæсейы официалон æгъдауæй снысан кодтой нымæцон сом. Ныр у æртыккаг хуыз гæххæттын æхца æмæ банчы картæтимæ иумæ. Цæрджыты куы фæнда, уæд сæ бон у товартæн æмæ лæггæдтæн ахæм хуызы бафидын. Хицæн уæлæфтуан ын нæ хъæуы. Алы банчы мобилон уæлæфтуаны дæр ныридæгæн ис чыссæ. Афтæмæй та хыгъд ис Уæрæсейы банчы бæрны. Хуымæтæг адæмæн нымæцон сомимæ æппæт операцитæ дæр сты лæвар. Афæдзы кæронмæ ахæм уавæртæ æмæ гæнæтæ ис бизнесы компанитæ æмæ хицæн амалхъомтæн. Тарифтæ та кусын райдайдзысты 2027-æм азы январæй. Нымæцон сомимæ баст æппæт фарстатæ дæр адæмæн сæ бон сбæлвырд кæнын у цыфæнды банчы хайады дæр.