Дзуарыхъӕуы скъолайыл ӕнусӕй фылдӕр цæуы. Ам ахуыр кодтой хъæуы бирæ фæлтæртæ. Фӕстаг бындурон цалцӕг дзы кæд цыд, уый ма æрымысдзысты цыппор азæй фылдæр чи кусы, уыцы ахуыргæнджытæ. Фæлæ ныртæккæ ногдзинæдтыл се ‘ппæт дæр цин кæнынц.
Специалисттӕ егъау куыст бакодтой. Баивтой уӕлхӕдзар, рудзгуытӕ ӕмӕ пъолтӕ, сног кодтой инженерон коммуникацитӕ. Скъола сифтонг кодтой нырыккон ифтонггарзӕй ӕмӕ ног ахуыргӕнӕн чингуытӕй.
Сӕ хуыз скалдтой кабинеттӕ дӕр. Фӕсивӕд фылдӕр рӕстӕг ам ӕрвитынц. Ахуыргӕнджытӕ, уыимæ сывæллæттæ сӕхӕдӕг дӕр ныфсджынæй зæгъынц, ахӕм уавӕрты ахуыртæ бирӕ ахадгӕдӕр уыдзысты.
Æппӕт куыстытӕ дӕр кæронмæ æрхæццæ сты. Дзуарыхъӕуы скъолайы бындурон цалцӕг сæххæст кодтой национ проект “Фӕсивӕд ӕмӕ сывӕллӕттӕ”-йы фӕлгӕты.
