13-æм январы у Уæрæсейы мыхуыры бон

13-æм январы у Уæрæсейы мыхуыры бон. Сæ профессионалон бæрæгбоны фæдыл дзыллон информацион фæрæзты минæвæрттæн арфæ ракодта Сергей Меняйло. Сæргълæууæг фæнысан кодта, журналистикæ хуымæтæг дæсныйад нæу. Уый домы æрвылбон дзуапп дæттын дзырдæн, рæстдзинадæн, аргъ кæнын кæсджытæн. Цæгат Ирыстоны кусынц дзыллон информацион фæрæзты дæсгай курдиатджын, иузæрдион минæвары. Уыдон се ‘ргом здахынц æппæты ахсджиаг фарстатæм, баххуыс кæнынц сæ аиуварс кæныны хъуыддаджы, радзурынц республикæйы æмæ бæстæйы цы цаутæ æрцæуы, уыдоны тыххæй. Регионы разамонæг ма загъта, абон медиа æрмæст мыхуыры фæрæзтæ не сты, фæлæ телеуынынад, радио, интернет-платформæтæ, социалон хызтæ. Уавæртæ алыхуызон сты, фæлæ æнæивгæ у фæлтæрддзинад æмæ рæстдзинадмæ тырнынад.