Фӕсивӕды галуаны 30 студенты ӕмӕ скъоладзауы бӕрц сӕхи цӕттӕ кӕнынц форум “Машук”-мӕ. Эксперттӕ сын ныр цыппӕрӕм бон ӕххуыс кӕнынц социалон проекттӕ раст саразынӕн ӕмӕ бахъахъхъӕнынӕн. Ахуыр цӕуы Фӕсивӕды хъуыддӕгты комитеты цур проект “Предмашук”-ы скъолайы.
Консультацимӕ ӕрбацыд Республикон физикон-математикон лицей-интернаты ахуыргӕнинаг Хуыбылты Давид, уый фыццаг хатт ацӕудзӕн “Машук”-мӕ. Сарӕзта хъазт социалон ахуыргӕнджыты, скъоладзауты ӕмӕ ныййарджыты тыххӕй. Ныртӕккӕ Давид аразы гранты курдиат ӕмӕ монтаж кӕны видеоролик. Уый йӕ проект нымайы ахсджиаг хъуыддагыл ӕмӕ йӕ зӕрдӕ дары ӕнтыстыл.
Ӕппӕтуӕрӕсеон форум “Машук” уыдзӕн тагъд. Делегацийы 14 бынатмӕ хъавынц 160 адӕймаджы бӕрц.
Форум “Машук”-ы фыццаг сменӕ райдайдзӕн 8-æм августы, уым архайджытӕн сӕ бон уыдзӕн гранттӕ рамбулын 5 минӕй 1,5 милуан сомы онг. Скъола “Предмашук” цӕуы национ проект “Фӕсивӕд ӕмӕ сывӕллӕттӕ”-мæ гӕсгӕ, цӕмӕй активисттӕн баххуыс кӕной сӕ республикӕ аккаг хуызы равдисынӕн.
