14 азы размæ Дзæуджыхъæуы центрон базары æрцыд террористон акт

14 азы размæ Дзæуджыхъæуы центрон базары æрцыд террористон акт. 2010-æм азы 9-æм сентябры террорист рæмудзæн æрмæгимæ бацæуынвæнд кодта базармæ. Фæлæ йын уый куы нæ бантыст, уæд æркусын кодта йæ уæлæ цы рæмудзæн æрмæг уыд, уый. Тратилон эквивалентмӕ гӕсгӕ йæ тых уыд 40 кг. Æбуалгъ цауы амæттæгтæ баисты 18 адæймайджы. 200-йæ фылдæр та фесты алыхуызон цæфтæ. Теракты фæдыл уголовон хъуыддаг цыд 4 азы. Йæ аразæгæн рахастой йæ царды кæронмæ ахæстоны фæбадыны тæрхон. Уыимæ ма 4 архайæджы та ахæстонмæ бакодтой 14-æй 25 азы æмгъуыдмæ.