“Иугонд Уæрæсе”-йы рагагъоммæйы æвзæрстытæ цæуынц æгас бæстæйы

“Иугонд Уæрæсе”-йы рагагъоммæйы æвзæрстытæ цæуынц æгас бæстæйы. Хъæлæстæ радтæн ис электронон хуызы официалон сайты. Уыцы хатдзæгтæм гæсгæ сбæрæг уыдзæн, ацы азы фæззæджы Паддзахадон думæмæ æвзæрстыты чи архайдзæн, уыцы кандидатты номхыгъд. Цæгат Ирыстоны регистраци ацыдысты 16 адæймаджы. Уыдон сты алы къæпхæны депутаттæ, æххæстгæнæн æмæ закъонадон хицауады оргæнты минæвæрттæ, фæсивæд, сæрмагонд æфсæддон операцийы архайджытæ. Хъæлæс радтын æвзарджытæн сæ бон у Паддзахадон лæггæдты порталы 31-æм майы онг. Æмæ уыцы иу рæстæг – иу, кæнæ цалдæр кандидатыл. Æвзæрстытæ фыццаг хатт цæуынц онлайн хуызы. Цæмæй хъæлæс кæныны процедурæ уа æдас, закъонхæлдтытæй хъахъхъæд, уый тыххæй шифтрты дæгъæлтæ адих кодтой 4 хайыл æмæ сты Уæрæсейы хъæбатыртæ Людмила БолилАя æмæ Александр Карелинмæ, стæй Ростелекомы президент Михаил ОсЕевский æмæ информацион демократийы фонды президент Илья Массухмæ. Уымæй уæлдам ма æрвылсуткæ кусынц федералон æмæ регионалон ситуацион центртæ.