1873 азы император Александр II цы гербы эскиз сфидар кодта, уый Дзæуджыхъæуæн ратдзысты

31.03.2023 20:26

Горæты администрацийы культурæйы управленийы разамонæг Мæрзойты Руслан куыд фæбæрæг кодта, афтæмæй абон дзæуджыхъæуккаг делегаци фембæлдзæн Санкт-Петербургы Геральдистты советы минæвæрттимæ.

Дзæуджыхъæуæн ратдзысты, 1873-æм азы император Александр II цы гербы эскиз сфидар кодта, уый. Бирæ рæстæг документтæ уыдысты Уæрæсейы Центрон паддзахадон историон архивы фондты. Горæты администрацийы культурæйы управленийы разамонæг Мæрзойты Руслан куыд фæбæрæг кодта, афтæмæй абон дзæуджыхъæуккаг делегаци фембæлдзæн Санкт-Петербургы Геральдистты советы минæвæрттимæ. Уым сбæлвырд уыдзæн, эскизтæ лæвæрд кæд æрцæудзысты, уый. 150 азы цы гербы историйыл цæуы, уый ногæй уыдзæн нæхимæ, – бафтыдта Мæрзойты Руслан. Горæты нырыккон герб фидаргонд æрцыд 1994 азы. Геральдисттæ куыд зæгъынц, афтæмæй йыл хъæуы бакусын æмæ æм ивддзинæдтæ бахæссын.

Предыдущий материал

Сергей Меняйло бацархайдта Уæрæсейы хицауады сæрдары хæдивæг Виктория Абрамченко æмæ Цæгат Кавказы федералон зылды регионты разамонджытимæ æмбырды

Следующий материал

Дзанайты Азанбеджы номыл нывкæнынады училищæйы ацыд ирон «Нартиадæйы» баст лекци